Соборный приговор и поучение против еретиков. 1490 г., октябрь

Приводится по изданию: Казакова Н.А., Лурье И.С. Антифеодальные еретические движения на Руси XIV - начала XVI в. М.-Л. 1955
Список источников


«Приговор» и «Поучение» «всему православному христианству» (от имени митрополита и «всего священного събора») — памятники, явившиеся непосредственным результатом деятельности церковного собора 1490 г., впервые объявившего учение новгородских вольнодумцев ересью, и предавшего их проклятию. Неразрывно связанные между собой («Приговор» прямо переходит в «Поучение») эти памятники, могут считаться важнейшим источником по истории собора 1490 г. Однако для истории самого еретического движения «Приговор» и «Поучение» (вопреки мнению С. Долгова (См. С.О. Долгов. Московский собор 1490 г. против жидовствующих. Сб. «О ереси жидовствующих», М., 1902, стр.125; см. также: Чтения ОИДР, М., 1902, , отд. III, отд. II.) отнюдь не являются ни достоверным, ни беспристрастным источником. «Приговор» и «Поучение» 1490 г. — типичный образчик средневекового инквизиторского процесса: разнообразные и не приведенные ни в какую систему «проклятая дела» еретиков излагаются здесь точно по доносам их обличителя — Геннадия, несмотря на то, что отцам собора было отлично известно, что Геннадий вымогал; «признания» обвиняемых под пыткой и что на соборе еретики отказались от предъявленных им обвинений. Издаваемый источник поэтому рисует не столько идеологию новгородских вольнодумцев, сколько картину расправы над ними со стороны феодальной церкви и государства.

«Приговор» и «Поучение против еретиков» полностью издавались лишь один раз — С. О. Долговым в публикации ОИДР «О ереси жидовствующих». При этом С. О. Долгов произвольно переставил текст обоих документов: прежде поместил «Поучение», а затем «Приговор». Оба памятника он опубликовал по единственному списку (Муз. № 3271), сохранившему целиком и «Приговор» и «Поучение»; в разночтениях к тексту «Поучения» С. О. Долгов привлек отрывок из него по другому списку, изданный уже прежде А. С. Павловым в РИБ, т. VI (стлб. 785—788).

В настоящем издании мы публикуем «Приговор» и «Поучение» по тому же списку (с сохранением порядка источника):

1) БИЛ, Муз. № 3271 (М); 4°; кон. XV в. «Приговор» и «Поучение» — лл. 11— 15 об. В той же рукописи содержатся: отрывок из «Послания Геннадия Прохору» (см. выше, стр. 309), «Послание Геннадия неизвестному» (см. ниже, стр. 388) и рассказ об инквизиции, записанный Геннадием со слов испанского посла (Труды Комиссии по древнерусской литературе, I, Л., 1932, стр. 34—39; см. также выше, стр. 114).

Отрывок из «Поучения» сохранился в списке:

2) ГИМ, Чуд. № 246; Г; сер. XVI в. Отрывок «Поучения» — лл. 754 об. — 755. Мы не привлекаем этот список к изданию.

О еретикох[1]

Господин пресвященный Зосима митрополит всея Руси, и архиепископ, и епископи, и архимандрити, и игумени, и протопопи, и весь, иже о них божественый священный събор.

Речью глаголю вам, прелестником и отступником веры Христовы: тобе Захарие черньцю, и тобе Гаврилу протопопу Новогородскому, и тобе Максиму попу, и тобе Денису попу, и тобе Василью попу, и тобе Макару дьякону, и тебе Гриди дьяку, и тобе Васюку дьяку, и тобе Самухе дьяку, и всем вашим единомысленником, мудрьствующим[2] с вами злую вашу оканную и проклятую ересь, что есте чинили в Великом Новегороде злая и проклятая дела неподобная: мнози от вас ругалися образу Христову и Пречистые образу, написаным на иконах, а инии от вас ругались кресту Христову, а инии от вас на многиа святыя иконы хулные речи глаголали, а инии от вас святыя иконы щепляли и огнем сжигали, а инии от вас крест силолоен зубы искусали, а инии от вас святыми иконами и кресты о землю били и грязь на них метали, а инии от вас святыя иконы в лоханю метали, да иного поруганна есте много чинили над святыми образы написанных на иконах. А инии от вас на самого господа нашего Иисуса Христа сына божья и на пречистую его богоматерь многиа хулы изрекли, а инии от вас господа нашего Иисуса Христа сыном божиим не звали, а инии от вас на великих святителей и чюдотворцев да и на многих преподобных святых отець хулные речи износили, а инии от вас всю седмь соборов святых отець похулиша, а инии от вас во вся говениа ели мясо и сыры и яйца и млеко, и меж говениа в среду и в пятницю такожь ели мясо и сыр и яйца и млеко. А вси есте чли суботу паче въскресениа Христова. А инии от вас въскресенью Христову и его святому възнесенью не веруют. Ино все то чинили есте по обычаю жидовскому, противясь божественному закону и вере христианстей. И о тех всех безаконных ваших делех были есте испытани сыном моим о святем дусе Генадием архиепископом Новогородским. Да и на соборе есте перед ним и перед великого князя бояры стояли, да сказывалися есте архиепископу и бояром перед собором во всех тех злых делех повинни, да и записи есте архиепископу на собя в том подавали и прощениа есте в том у архиепископа просили. И Генадий архиепископ, с тех списков ваших речей переписав подлиникы, да прислал сюде к господину и сыну моему великому князю Ивану Васильевичу всея Руси, да и к прежебывшему брату нашему Геронтию митрополиту всея Руси на обличение злых дел ваших прелестных. И вы паки, приехав на Москву здесе били есте челом государю великому князю на Генадиа архиепископа о том, что, рекши, он вас имал и ковал и мучил изо имениа, да грабил животы ваши. Да и здесе есте живучи на Москве те же ерестная дела делали потомуж, как есте чинили в Новегороде. И господин мой о святем дусе князь великый Иван Васильевич всея Руси и с архиепископом, и с всеми епископы, да и со всем священым собором, и с мнргыми своими бояры и дьякы, выслушав грамот да и списков Генадиа архиепископа Новогородскаго, да о ваших злых ерестных делех спрашивали есмя вас, и вы ся перед нами запрели, а на Генадиа архиепископа многиа есте хулы говорили. А что перед нами в соборе здешние люди добрыя да и священници свидетельствовали на вас на лице о вашем безчинии и о поругании и о хуле на святыя иконы, и вы того всего позапрелися есте, ино то есте сущий прелестници и отступници веры Христовы, и за те ваша злыа жидовьскиа дела по божественым и священым правилом святых апостол и святых отець господин пресвященый Зосима митрополит всея Руси и о святем дусе сынове его и съслужебници, Тихон архиепископ Ростовскый да вси епископи и весь иже о них божественый священный събор, вас всех ересников осудиша, а вас священиков из сану извергоша, и всех вкупе от святыя церкви отлучиша.

Смиреннаго Зосимы митрополита всея Руси и всего священнаго събора поучение всему православному христианьству. На еретикы обличение

Да есте ведуще вси православнии христиане, яко да увесте сие настоящее средостение, яко ныне по грехом, ради последнего сего времени, лукавый змий древний губитель душь человеческих диавол, иже всея плевелы горкаго плода в сердца худоумных человек, и ти быша ересници и врази христове церкви, прелестници и отступници; губители душь православных людий многых, зовущеся священници, да крыющеся от людей тайно, да пишут и учятся и держат книгы отметныа, и похваляют в себе отреченный ветхий закон, и веру жидовскую хвалят, и поношаясь речми, глаголюще хулу на господа нашего Исуса Христа сына божиа и на его пречистую богоматерь, да и святым иконам не кланяются, а зовут иконы идолы; а великых святителей русских Петра и Алексиа и Леонтиа и Сергиа чудотворцев и иных святых преподобныих отець многых укаряху речми хулными, их поношают и не чтят. Но не пусти им господь бог нашь, и мы ныне изобличихом их, и тако обличени быша.

И сиа да увесте православнии о тех ересницех новогородских, како ныне обличени быша и повинни быша пред нами и осужени быша нами съборне по святым правилом и извержени быша от святыа великиа божиа церкви и отлучени от всех людий православных. И сиа да увесте, како перед нами обличени и оглашени быша ереси их.

В лета державы самодержьца и государя великого князя Ивана Васильевича всея Руси и егда снидошася архиепископ и епископи в святую великую соборную церковь на Москве, в храм великаго архангела Михаила и въсхотеша служити святую службу ради душам помяновениа благородных великих князей и великых княгынь и всего их рода благочестивых, и ту в храме[3] обретеся поп Денис новогородець, стояше в ризах, хотя с ними вместе служити. И реша ему от всех епископов слово поносно, ркущи ему: «Изыди, человече, изо олтаря, недостоин еси соборне служити с святыми епископы: пришли на вас речи недобры еще при Геронтии митрополите всея Руси, а и не на одного тебе, да и списки дел ваших и грамоты от Генадиа архиепископа Новогородского пришли на вас». Он же, оправдая себе, да на Генадиа архиепископа Новогородскаго туто же речи хулныа глаголаше. И тако изгнаша его. В утрий же день снидошася в полату к господину своему отцу пресвященому Зосиме митрополиту всея Руси сынове и съслужебници, архиепископ и вси епископи, и архимандрити, и игумени, и протопопи, и честнии старци, и весь иже о них священный събор, и възвестиша о сих самодержьцю государю великому князю Ивану Васильевичю всея Руси. Он же повеле им того обыскивати по божественым и священным правилом святых апостол и святых отець о их ересех, да спискы и грамоты владыкы Новогородского велел им чести и выслушати, да на Москве велел о них пытати, кто что в них видел или что кто у них слышал о их ересях, «да вам скажют правду поведающеи истинну о всем». По сих же пакы снидошася в полату к своему отцю Зосиме митрополиту всея Руси архиепископ и епископи, и архимандрити, и игумени, и протопопи, и честнии старци, и священници мнози; к ним же на собор государь князь великий в свое место прислал бояр своих — князя Ивана Юрьевича, Юрья Захарьича, Бориса Васильевича, диака своего Андрея Майка.

И поставила пред ними Захарью черньца, ересем началника, да Гаврила, протопопа новогородского, да попа Дениса, да попа Максима, да попа Васильа, да Макара диакона, да Гридю диака, да Васюка дьяка, да Самуху диака и их съветников ерестных и единомыслеников. И повелеша пред ними чести велегласно грамоты да и спискы Генадья архиепископа Новогородскаго, что на них писал к преже бывшему отцю своему Геронтию митрополиту всея Руси на обличение злых ересных дел их. Они же, слышавше таковая, всего запрешася. Господин же митрополит рече: «Захарие, что ради сицевая творити, преступавши закон божий и не велиши ся кланяти иконам святым?». Он же отвещав изрече хулу на господа нашего Иисуса Христа и на его пречистую богоматерь, да и на великых святителей Петра и Алексиа и Леонтиа чюдотворцев, и на иных многих святых преподобных отець хулные речи изнесе, да и на всю седмь соборов святых отець похули. Слышав же господин Зосима митрополит всея Руси, повеле московским сведетелем на том соборе перед собою стати и глаголати, кто у них слыхал или видал поругание иконам или речи хулные на святых. И сташа на том соборе с ними лице на лице людие мнози да и священници и сведетелствоваша на них о их ересех и о хуле и о поругании над святыми иконами, как ся что о них чинило зде на Москве. И слышавше о них сиа, подаша государю. Государь же князь великый Иван Васильевич всея Руси прииде сам на тот събор в полату к своему отцю Зосиме митрополиту всея Руси и с многыми своими боляры и дьакы и повеле въвести к себе тех всех еретиков и тех сведетелей московьских, и повеле перед собою чести новогородские спискы да и грамоты, что на них писал Генадий архиепископ новогородцкой о их ересех, что они чинили в Новегороде. Да выслушав спискы, да и грамоты, да и московьских людей, да и священников сведетелства на тех ересников, и велел князь великий своему отцю Зосиме митрополиту възрети в святыя правила о их ересех, что о них пишет.

И господин Зосима митрополит всея Руси с всем божественым священым събором възрил в правила святых отець: и божественая правила таковых еретиков повелевают из сана изврещи и от церкви отлучити и проклятью предати, а царская правила и градскый закон повелевают таковых ересников казнити и в заточение послати и конечней муце повинни суть. Господин же Зосима митрополит всея Руси и со всем божественым и священым собором по правилом святых апостол и святых отець тех ересников Захара черньца, да Гаврила протопопа, да попа Дениса, да попа Максима, да попа Васильа, Макара диакона, да Гридю, да Васюка, да Самуху дьаков и их единомыслеников, с ними мудрьствую щих злую их ересь, из сана извергоша и от святыя божиа церкви отлучиша.

О сих же, чада, поведаю вам, всем сущим православным христианом, яко да не приобщится к ним, к отверженным ересником, никтоже ни делом, ни словом, ни ядением, ни питьем, ни ризами, ни сребром, ни златом, ни иными которыми делы, ниже словом, ниже в дом свой да приимет их никтоже, дондеже обратятся на прежнее благочестье, в нем же родишася. Аще ли тако не творят, да от царскаго суда по делом своея вины въздание приимут.

Вам же сущим православным людем о сих наше смиренье повелевает: слышащим сиа о прозябении злых ересех обличати, а не стыдящеся ни о чем же лица человечя, но повсюду благочестье проповедати и о истине глаголати, а мудрьствующих ереси, и тех не подобает стыдетися, ни богата, ни властелина, но вся зломысленикы обличати с дерзновением и верою православною без сумнениа повелеваю и благословляю. И о сем съборе заповедываем всем вам православным христьаном: от сего дни наперед к сим ересником и прелестником аще кто учнет к ним приставати, или с ними единомудрьствовати и похваляти их, или кто-какими делы учнет за них стояти да им помогати, или кто еще учнет ту же ересь въздавати, на тех на всех буди от всего священаго собора неблагословение и проклятье. Аще ли кто увидит каково поругание над святынею, или кто услышит какову хулу на божество от тех еретиков или от их единомыслеников,. а не поведают того господину Зосиме митрополиту всея Руси или священому събору, и те бы от всего священного събора блюлись тягости церковныя.

Примечания

[1] Испр.; М не дописано о еретико.
[2] Испр.; М мудрствующих
[3] М в храме на полях

Ссылки по теме
Форумы