Послание митрополита Фотия во Псков против стригольников. 23 сентября 1416 г.

Приводится по изданию: Казакова Н.А., Лурье И.С. Антифеодальные еретические движения на Руси XIV - начала XVI в. М.-Л. 1955 Список источников


Послание Фотия 1416 г. издавалось дважды: в «Актах исторических» (т. I, № 21) и в «Русской исторической библиотеке» (т. VI, № 42). «Послание» 1416 г. известно нам в следующих списках:

1) ГИМ, Синод. № 562; 4°; нач. XVI в. «Послание», лл. 319—324. По этому списку это и последующие «Послания» были изданы в АИ;

2) ГИМ, Синод. № 280; 1°; нач. XVI в. «Послание», лл. 429—433;

3) БИЛ, Рум. № 204; 1°; перв. пол. XVI в. «Послание», лл. 406—412. По этому списку «Послание» было издано в РИБ;

4) ГПБ, Соф. № 1323; 1°; перв. пол. XVI в. «Послание», лл. 350—351 об.;

5) ГИМ, Синод. № 996; 1°; сер. XVI в. «Послание», лл. 621—623 об.

В списке ГИМ, Синод. № 182 («Царская Минея») этой и остальных грамот Фотия нет (после «Послания Антония» здесь следует «Сказание о срацынской вере» и «Пленение Иерусалима»).

Список Синод. № 280 (Хронографический список Новгородской летописи, см. выше стр. 231—232), до сих пор не привлекавшийся при издании данного «Послания», дает значительные разночтения текста — главным образом, в приводимых Фотием цитатах из постановлений вселенских соборов.

Мы издаем «Послание» 1416 г. по списку ГИМ, Синод. № 562 (С) с важнейшими разночтениями и исправлениями по списку ГИМ, Синод. № 280 (X) и БИЛ, Рум № 204 (Р).

[1]Послание Фотея митрополита[1]

Благословение Фотеа, митрополита киевьскаго и всея Руси, в Псков, о святем дусе детем моим, посадником и тысячкым, и старым посадником и тысячькым, и всему священническому и иноческому чину, и всему христоименитому господню исполнению, святому людству, обретающимся всем в богоспасаемей державе пьсковьской. О чада о господе възлюбленная нашего смирения! Много уверение и ползу душевную имею[2], слышавше благочестия; но иже слышах от писания ваших священник от[3] отлучающихся божиа закона и православия, зовомых стригольникех[3], и смутися. Чада моа, скорбь о сем немала, и не усыпающь о сих ум имею, и поисках в божественых правилех, пишу вам и тех ради уверения, еже среде вашея православныя веры теи суть зовемии стригольници, помрачении прелестию диавольскою и ослеплени прелестию лукавства своего, я не ведят света истиннаго Христа, ни разумеют праведных судеб его, и не видят истинных путий его. Но, сынове, и сами ведаете по божественому писанию, колико шатание и неистовство и укор и мятеж, бывъший преже на истинную на православную христьанскую веру и на божию церьков от несмысленаго и суетословного и бестуднаго Ария и Нестория, и Македония, и Севгира, и Мамента, и Оригена, и прочих проклятых; и тии окааннии на пагубе токмо собе исходатаивши и огнь вечный [4] уготованный диаволу и аггелом его; а церковь божия, утверженая богом и даным нам законом новым, и отгражена повеленьими апостольскими, и укрепляема божествеными святых отець правилми седми збор, и светится паче солнца, яко сущее небо земное украшена, и красящися непобедимым благолепием православия. И глаголеть убо о сих правило 31: 5 «Аще, рече, кто от прозвитер, ничтоже сведый зазорьство своему епископу, ничтоже о благочестивой вере погрешившю ему, но обаче благочестиву ему бывшу к богу, к человеком же праву сущу, въсхощет же любоначальства ради низринутися, и особь въдружит жертвеник, и збор творя и службу, такоже и в первых и в другых и в третиих крать възван будеть от своего епископа от таковыя прельсти, и не послушает, но пребывает в том же злочестии, сам убо, яко любоначалник и мучителное дело являя пребывает, да извержен будеть; и иже с ним единомысленици, аще убо клирици суть, и теи извержени будут; аще же миряне будут, да отлучени будуть». Явлене убо есть от сего, да[5] аще священническому чину възбраняют правила святых апостол и вселенстии святии збори и проклятию предают, колми же паче мирскаго человека възбраняти повелеваем, не смеяти таковая дерзнути замышления, понеже мирянин не имееть никаковаго сана священническаго, но пребывает под послушанием[6] церковных правил, овча сущи словесна, того ради и вышъшему мучению достоин еси. Не достоит бо от своего епископа отметатися или отскакати клириком, и зазор держати, яко нечтиву ему сущу названу, или обидливу, аще и хулнейшая кто имает глаголати на епископа, или на священника, не подобает отлучитися кому от причащениа их дондеже убо будут [7] испытнии, буди и сего извержения [7]: не человечьскый бо дар, но святаго духа, его же ради недостойных подоватися обыче темь, иже с теплою верою просящим: «Всех бо, рече, бог не поставляет, всех же действует». Таажде и еже в Антиохии 5-е правило, рече,[8] приложи, глаголя: «Иже по извръжению в смущении пребывая и церковь божию раскалая, от мирския власти уцеломудрен будет; съгрешающих бо, рече, а не покорившихся предстати от таковаго зла, властелем повелеваем продати, смерти их казнию». 13-е же правило перваго и втораго збора рече: «Яко же еретическаго плевела прорасти, рече, от меча духовнаго корение их отсечено бысть, такоже и разрушникы их шатания, иже Христово тело разделяют начинающи, мы повелеваем отсечи в отринути. Иже аще кто от благочестивых от сих реченых вещех зазор имеет на своего епископа, яко всякого зла и неправеднаго деяния имущу ему житие от явления, якоже и апостольское правило обдержити отлучитися приобщения своего епископа, преже даже не явлене бывши его вине на сборе, сих отинудь заточити повелеваем, дондеже своего злодейства поправъше, и к своему епископу обратятся. Аще ли же отинудь в своем злонравии пребывают, проклятии продаем». А иже в Гангре 6 събор глаголеть: «Иже в малем положении церковь божию смущая и особь собе службу замышляя, без повеления своего епископа, последнему и лютей шому сих проклятию достойны творим; понеже речено бысть: Церкву глаголем не храма того съзиданаго, но исполнение сущее верных; ибо храм, якоже глаголеть святый Пилусийскы Исидор, събрание верных мужий поистинне убо глаголются». Но и десятое правило иже в Кагаре нии глаголеть: «Иже безумно особь въдружити храм и служити начнет, проклятию предается, понеже церковную веру и устав вредяшу, и к хулению ея створяет». Мы же[9] преже взываем таковыя на обращение к съединению тех, иже раздор[10] творящих церкви божий: аще ли же не обратятся, но пребывают безъстудно в своем развращении, сих проклятию предаем, и яко же гнилый уд от здраваго тела от церкви Христовы отсекаем». [11]Многоустная же труба церковная[11], блаженный въистинну Златауст, еже к Ефисеем указуя послание, таковых пиша, иже расколение церковное творящих, «беседова мужь некоторый от святых, рече, глаголя, яко иже таковая творящим, ниже аще мученичьскою кровию сподобится, не может потребити таковаго греха». В 65-той главизны того же послания глаголеть сице: «Яко иже в ересь въпадших иже расколение творящих церкви божии, таковыя же вины повинныя творить».

[12]О правиле[12] и о поставлении священничьском речено бысть сице: «Аще в котором граде или в власти, идеже аще случится к которой церкви потребно есть поставити священникы, по разсуду и по повелению своего епископа да поставлени бывают, и на свою главизну да взирают, рекше на своего святителя». Сего ради [13]правило, еже о поставлении священничьском пошлину давати обычно, повелителным своим писанием присноблаженаго царя Исакия Комнина, якоже ко иным вещем, сия пишет[13]: «Въображает, рече, царство мое, поставление священническое и о правителных древнех образ действо творити ничтоже лишное от ставление да не емлемо будет, развее 7 златниць:[14] едину бо златницу, егда поставят кого в четци, а 3 егда на дьяконьство, 3 же, егда на поповьство. Сего же устава царева потвержает съборный суд, бывъший от патриарха Михаила, и другое зборное знамение, бывшие от патриарха Николая[14 ]такоже повелевающее, такоже, якоже царево писание, толико уставивши даяти от поставлениа.

И вы, сынове, просвещении благочестием и правдою наставляем благодатию и всемогущаго бога, поучающеся божественым его заповедем и велением, а тех омраченых очесы и ушесы уверяйте и наказайте ко истинному пути, и да сбудется о сих спасово слово, глаголющее в святомь Еуаггельи: «Да будеть одино стадо и един пастырь». Суетословие же их и прелесть ни в чтоже въменяйте: на истинну и на православную христаньскую веру възлагают ложная, и на великое божие священьство, вышшее великаго аггельскаго ликостояниа; понеже помрачении от помрачения своего глаголють помраченная, забыша апостола Паула глаголюще, еже глаголеть: «Кто въиньствуеть[15] коли? Кто насажает виноград, и от плода его не ясть ли, или кто пасеть стадо, от млека его не ясть ли?. Егда к человеку сия глаголеть? Ибо сия закон глаголеть; в Моисееве бо законе пишеть: не завяжши рта волу верхущу, ибо достоин делатель мьзды своея». И: «еже на прозвитера хулы не приемли, прилежащеи же добре попове сугубей чьти достойни да бывают, паче же тружающеся в слове и учении. Егда же и о волех радит бог? Но нас ради сия глаголеть, и нас ради сия вписашяся».

И аще ли же, чада моя, тии окааннии, зовомии стригольници, ходяще в суете ума своего, и не обратятся и не уверятся к истинному пути, но укладающися[16] к своей пагубе, якоже июдеи окааннии и помрачении окаменени своеми сердци, их же расточи господь и не дасть им страны, наследия, язык, но и мука без конца есть: и вы бы, сынове, на тех окаанных и нечювственых такоже створили, укланяющеся злочестиа: отженете их от своея православныя веры, да не будут посреди вас, яко у пшеници плевел. Прочее же по лукавствию их створит господь, якоже сам весть, им же уготовано есть место по [17] лукавьствию их, по спасову слову, глаголющему: «Огнь их не угаснеть, и червь их не умреть». Праведно убо о сих известуя апостол Павел глаголеть: «Се убо глаголю и свидетельствую пред богом, не к тому вам ходити, якоже и прочии языци ходят в суете смыслениа их, помрачени умом,[18] вы же не таково знасте Христа, и не смешайтеся иже таковая деющим; понеже лукавнии человеци и волъховнии предспевают на горшая, прелыцающася и прелщаеми, развратишася в след сотоны? И сего ради, чада моя, пишу вам, да уклонитися сими чювствы сих окааньствия; не ведять бо ся, что творять, окааннии, яко же бо о такых пророк глаголеть: «Ослепи бо их злоба их, и забыша бога, створшаго их, и възлюбиша рече, паче тму, неже свет». И молюся человеколюбию богу о сих, яко да оградятся благочестием их, правдою; аще ли же не обратятся, и молюся господу богу, да не сих ради окаанствия попустит господь бог праведнаго своего гнева на языки, не знающаа его, и да не притокнется неисцелно что и к вашей православной державе, понеже огражени суть тех злочестиа вашим православием; ожидая[19] бо долготръпеливно человеколюбець бог обращениа их от зол, не хощет бо напрасно създание свое погубити. Господь же бог да съблюдеть державу вашу своего жительства о всем добре. Молитва моа и благословение мое да будет с вами.[20] А дана грамота сия нашего смирения на Москве, месяца семьтября 23, индикта 10.[20]

Примечания

[1-1] С на поле киноварью; Р А си грамота о стриголникех.
[2] Так Р; С имое.
[3-3] Так Р; С олучающихся божиа закона и православия зовомых стригольником.
[4] С далее написано и зачеркнуто собе приобретше; Р собе приобретав; X собе приобретше нет.
[5-5] X святых апостол: «Аще кий презвитер небрег о своем епископе кроме събор съберет и алтарь другыи поставит, ни о чем же зазревь епископу своему в благоверии и правде, да извержется таковый, аки начальстволюбець, насильник бо есть. Тако же и прочии причетници ему приобщающейся, мирстии же да отлучатся, сия же по едином и вторем и третием позвании епископа да бывает». Явно убо есть от сего разумети, яко.
[6] Так X; СР послушанию.
[7-7] X истинно испытание о сих; Р испытный суд и сего извержение.
[8-9] X «Аще кто презвитер или диакон, преобидевь своего епископа, отлучит себе от церкве и особь събирает и олтарь поставит и, епископу призывающу его, не покорится и не хощет ему покоритися, ни послушати, и первое и второе призывающу его не послушает, тогда того отврещи отнудь, и к тому исцеление не имети ему, ниже мощи ему въсприяти свою честь. Аще же в бестудии пребывает, укоризны и поношение клевеща всуе на божия святителя, развращая и смущая уставы церковныя, нещадно того мирскою властию, яко расколы творящаго, изгонити». Тако же и третие на десять правило перваго и втораго събора рече: «Еретических плевел сеяния в церкви Христове вселукавый диавол вверг, и сия зря, мечем духовным отсечена искорени, на ин путь кознования прииде и отлучающихся неистовством христово тело разделяти начинает». Но и сие ловительство его святый събор всячески възбраняя, истерзал и заповедав, прочее речет: «Аще ли кий презвитер или диякон, аще убо о винах своего епископа, осудив преже съборнаго испытанна и разсужения и всяческаго осужениа, еже на нь, отступити дерзнет от его обыцения и имени его в священных литургиях и молитвах по преданному обычаю церкви не возглашает, тому подлежати извержению повелеваем, и от всея священническия чти лишитися. Учиненыи бо в чину презвитера и митропольскый предвъсхищая суд и преже суда той осужая; елико от своеа силы своего предстателя и отца и епископа, таковый ниже презвитерскыя чти или именования достоин есть, а иже тем последующей, аще убо священници будуть, и тии от своея чти да отпадают, аще же иноци или мирстии человеца, да отлучаются весма от церкви, донели же съобщения, еже к отлучившимся исъплюють и к своему епископу обратятся». К сим же правило шестое иже в Гагре събора глаголеть: «Аще кто свене соборныя церкви особь собирается и не радя о церкви, церковная хощет творити, не сущу презвитеру по воли епископли, да будет проклят». Подобно же тем и десятое правило, иже в Карфагени собора глаголеть о презвитерех, осужаемых от своих епископов. Аликий епископ, местодержатель Нумидийскыа страны рече: «Ниже то подобает пропустити [на полях:] ниже сие подобает мимо ити], яко аще убо некый прозвитер от своего епископа осужен и надмением некыим и гордынею превозношаяся възнепщует лепо особне святая богови приносит или иный воздвзати олтарь противу церковныя веры и чина, таковый без казни да не изыдет». Валентин епископ прьваго престола Нумидийския страны рече: «Потребне церковне и вере и чину съгласна суть приведеная от брата нашего Алипия [sic, что убо видится вашей любви, глаголите». Весь святый събор рече: «Аще кий презвитер на своего епископа надомся крамолу сътворить, онафема да будет». Сия убо тако извещение есть и мы же по сведетелству божественых писаний и священных правил.
[10] X раздоры и сонмици.
[11-11] X нет.
[12-12] X нет.
[13-13] Х устав имат от древних изложен о поставлении свещенническом пошлину давати обычно повелительным законным писанием. Тако же уставленье великаго Устиниана божественыя кончины последованно завещавает на поставление священническое пошлину давати. Присномнимый же царь Исакие Комнин, яко же ко иным вещем и сия написав.
[14-14] X Сих же уставовь древних подтвержая, съборный суд, бывший от патриарха Михаила начала философом тако же установив утверди и запечатле. И другое соборное установление, бывшее от патриарха Николы Царяграда.
[15] X на поле вставлено своими оброки.
[16] ХР уклоняющеся.
[17] Так ХР; С по нет.
[18] X на поле поправка ума их помрачени прелесью
[19] Так ХР; С и дая.
[20-20]!] Х нет
______

Ссылки по теме
Форумы