Послание митрополита Фотия во Псков против стригольников 22 июня 1427 г.

Приводится по изданию: Казакова Н.А., Лурье И.С. Антифеодальные еретические движения на Руси XIV - начала XVI в. М.-Л. 1955 Список источников


«Послание Фотия» 22 июня 1427 г. издавалось дважды: в «Актах исторических» (т. I, № 33) и в «Русской исторической библиотеке» (т. VI, ,№ 55). «Послание» 22 июня 1427 г. известно нам в следующих списках:

1) ГИМ, Синод. № 562; 4°; нач. XVI в. «Послание», лл. 324—327;

2) БИЛ, Рум. № 204; 1°; перв. пол. XVI в. «Послание», лл. 412—416. По этому списку «Послание» было издано в РИБ;
3) ГПБ, Соф. № 1323: 1°; перв. пол. XVI в. «Послание», лл. 353 об.—354 об.:
4) ГИМ, Синод. № 996; 1°; сер. XVI в. «Послание», лл. 623 об.—625.
Мы издаем «Послание» 22 июня 1427 г. по списку ГИМ, Синод. № 562 (С) с исправлениями по списку БИЛ, Рум. № 204 (Р).

[1]Послание Фотея митрополита во Псков[1]

Благословение Фотея, митрополита Киевскаго и всея Руси, в Пъсков, збору Святые Троици и збору Святые Софеи и збору Святого Николы, и посаднику, и старым посадником, и архимандритом и игуменом и священническому чину, и всему христоименитому исполнению святого людь ства. Слышание мое, сынове, еже в преизначалных жителъств ваших православных, еже межди вас, богоизбраннаго Христова стада, сущих ныне некоторых новъзмущенных от пропинаемых дьявольскых сетей, и того яда отригновением, слышу тех некоторых, яко отступлены от бога, о своем крестьанстве небрегуще, но и чин великаго божиа священства, иночьства яко ни во чтоже полагающе, но и умаляюще; и тех, по слышанию слышу, ижо яко садукеем онем проклятым подражающе суть, еже и яко и въскресенйю не надеюще быти мняху. И тое убо не от тех бысть таковое неразумие, но пришедшее тем бысть помрачение духовных очию, отемненое падение, еже от древняго началства на род человечьскый, от общаго врага диавола. И весте убо и онех израильтескых людей, како от всех язык превъзлюблени суще богу, и того же запятием врага диавола колико зело помрачишася и всяческых благодарованьих нашего творца и своего зижителя забыша, и истуканным пожроша, и убити на нь пустишяся. И того же врага запятием на род человечьскый, потоп и огнь от бога на землю ниспослася. И того же врага злоухыщрение весте, како и законопреступных царей и мучителей безбожное шатание бысть и на предания божиа закона и на божественыя апостолы; такоже весте, еже о том предании благочестивыя вашея истиныя православныя всеисполненыя христьянскыя веры колико добропобеднии мученици своих кровей о том пролиашя. И весте еже, от того же вышеречен наго врага диавола того сетех пропинаемых, коликых царей на законопреступление и на иконоборство святых икон въздвиже, и того же зло ухыщрением коликих тех от бога отпастися створи. И весте убо и онех ересоначалных и зломудрьственых, от бога проклятых и до конца омерзостных, злочтиваго Ариа оного, и Македония, и Несториа, и Севгира и прочих[2] тех от бога оттужденных: ов убо от тех на сына божиа единород наго хулу, яко яда, изблеваше, и ов же на животворящий святый дух, еже от отца исходящий, хулу глаголаше, и ин же зломудрьствуяй глаголаше на пречистую богородицю. И первие же благоуразумеся о сем равному в апостолех, первому царю Костянтину и иным благочестивым царем; и тие благочестивии велицие цари, с божествеными святыми отци, с всеми седми вселенскыми зборы, иных злочестивых царей и царская же таковая злочестивая борения и злонеистовства и шатание на святыя иконы и на православие низложиша, и закон же и священьчество и предание христьанькыя веры утвердившее божествеными и священными правилы, и предаша церкви божией: и от тех святых всех вселенских збор не исправляющих православие истинное, по вере с делы, но инако мудрьствующих и тее божествении святии отци таковых от божия церкве мечьми духовными отсекоша, и от христьанства отлучиша и проклятию вечному осудиша. И тие убо, аще таковии в вас обретаются, словесъми глаголюще собе християне, делесы же яко не суше, о преданом великом православном хрестьанском предании яко нерадяще, по вышереченному, яко и чин великаго божия священьства умаляюще, и по великаго апостола Паула слову, и «иных смущающе, хотяще превратити благовестие Христово», по того великаго проповедника Павла слову: «Аще, рече, мы или аггел с небесе благовестит вам, [3]паче еже благовестихом вам[3], анафема да будет»; и якоже предрекохом, и пакы о сем рече: «Аще кто вам благовестит паче, еже приясте, анафема да будет». И оттуду же убо таковыми божественых апостол от Христа данным основании и властию хрестьанская вера благоутвердися; и та яко великая власть, по Христове заповеди, и святительскому чину и священическому дасться: еже единаго бога дело бысть, то и великому божью священству дело вручено бысть, иже грехи человечьския пращати. И великий убо Деонисие Ареопагитьскый пишеть о чину святительском и о великом божий священьстве и о иночьстве, яко подобны аггельскым чином небесным устраяя тех быти. И аще же, чрес то суть в вас таковии обретающейся ересоводци, покрадени от врага диавола, и тех божественых апостол и богоносных отець укрепление и основание рушаще, и чин великаго того божиа священньства и своего хрестьанства яко уничижающе, по выше о тех реченному, конечне яко не надеющеся и въскресению быти: и о сих же падении, богу ведущу, колико ми есть рыдание! И благословляю же вас, своих детей, великое ваше богоразумие, учити таковых и възъставляти в богоразумие. А аще ли же таковии до конца дьавольскым възмущением и запятием в ров погыбели низпадут, и будуть в таком падении, и никако радяще к возникновению. И таковии яко Христу не работающе, к своей погыбели; и вы убо, священници, никако приношения тех приимайте к церквам божиим, и отлучайте таковых и отметайте, яко согнилыя уды, от здраваго тела церкве Христовы; а мирстии же вси никако с теми приобщайте собе в ястьи и питии, и да никако оскверните себе с таковыми, дондеже с покаянием и с слезами обратятся таковии в благоразумие истиннаго христианьства. Смотрите же о сих всех прилежне, православнии вси о господе и господни священници, да никако съобщение ваше с теми падшими будут до их обращениа и покаания к богу о сем и благопокорениа к своим духовным отцем: ино по великаго апостола Павла слову, к коренфом пишуща: «Предайте, рече таковаго, в изможение плоти, яко да дух спасется», рекше по всему отлучайте их от себе, аще не покаются, и яко да те в познание да придут своего православия. А аще дьавольскым помрачением в том и пребудут, и зде аще и временно по долготръпению божью не въздасться сим суд и месть наскоре, но приимут таковии в он великий страшный день осужение великаго Христова евангельскаго слова: «Не приемляй, рече, глагол моих завещания, и аз не сужу ему, но слово еже глаголах, и то судит ему в последний день». И о сем же всем, православнии вси о господе, молю вы смотрение имети прилежное о отпадших тех, к възникновению и ко исправлению на богоразумие о здеанных от них неподобных деяний, яко да обратятся в богу с покаанием и теплыми слезами. И о сем же и преже пространно писах и о тех заблуждениих, о отпадших от бога, зовемых стриголникох, и ныне сие пишу, ради их познания и обращениа. А не обратятся в богоразумие и в чин по всему православнаго хрестьанства, и благословляю вас, своих детей, от великаго и до мала, никако с ними ни в чем же сообщайте собе, и отпишите ко мне: и аз по божественым и священным правилом створю на токовых суд и осужение. А милость божиа, и молитва моа и благословение да есть о всем с великим вашим православием, с живущими с вами божественым и священным правилом, и с держащими истинную православную хрестьянскую веру. А дана грамота на Москве, месяца иуния в 22 день в лето 6935, индикта 5.

Примечания

[1-1] С вписано мелким почерком киноварью; Р а се о стриголницех
[2] Испр.; С прочитх
[3-3] Испр. по Р; С нет

Ссылки по теме
Форумы