Тропарь и кондак прмц. Анастасии Римляныни

Тропарь, глас 4

Агница Твоя, Иисусе, Анастасия зовет велиим гласом: Тебе, Женише мой, люблю и Тебе ищущи страдальчествую, и сраспинаюся и спогребаюся Крещению Твоему, и стражду Тебе ради яко да царствую в Тебе, и умираю за Тя да и живу с Тобою, но яко жертву непорочную, приими мя, с любовию пожершуюся Тебе. Тоя молитвами, яко Милостив, спаси души наша.

Кондак, глас 3

Девства водами очищена, преподобная, мученичества кровьми, Анастасие, венчавшися, подаеши сущим в нуждах недугов исцеление и спасение, приступающим от сердца; крепость бо тебе подает Христос, источаяй благодать приснотекущую.

Величание

Величаем тя, страстотерпице Христова Анастасие, и чтим честное страдание твое, еже за Христа претерпела еси.