Тропарь и кондак прп. Евфросину Синозерскому

Тропарь Евфросину Синозерскому, Новгородскому, глас 4

От юности твоея вперив ум твой к Богу, блаженне Евфросине, мира же отвергся, вселился еси в пустыню непроходимую, и тамо, от Господа укрепляемь, в молитвах и пощениих доблественне пожил еси, и жизнь твою страдальчески убиением от сынов противления скончал еси, сего ради со преподобными и мученики венчался еси, с нимиже и ныне предстоиши Престолу Пресвятыя Троицы. Сию моли, молим тя, оставление подати согрешений наших и даровати нам велию милость.

Кондак Евфросину Синозерскому, Новгородскому, глас 8

Подражая житию древних отец, богомудре отче Евфосине, красоту мира сего возненавидел еси, и в пустыню вселився, веру Христову, якоже щит, в сердце твое приял еси, с нею изшел еси, яко добр воин царя небеснаго, не на брань противу плоти и крове, но на брань противу козней невидимого врага: и сего вознесенную гордыню, по данной тебе от духа святаго благодати, глубоким смирением твоим низложил еси, и от небеснаго мздовоздателя неувядаемым венцем победы венчался еси. Сего ради сошедшеся любовию вопием ти: радуйся, отче Евфросине, пустынное украшение.