Тропарь и кондак свт. Григорию Двоеслову

Тропарь свт. Григорию Двоеслову. Глас 4

Иже от Бога свыше Божественную благодать восприем, славне Григорие, и Того силою укрепляема евангельски шествовати изволил еси. Отонудуже у Христа возмездие трудов приял еси, всеблаженне, Егоже моли, да спасет души наша. 

Кондак свт. Григорию Двоеслову. Глас 3

Подобоначальник показался еси Начальника пастырем Христа, иноков чреды, отче Григорие, ко ограде небесней наставляя, и оттуду научил еси стадо Христово заповедем Его: ныне же с ними радуешися, и ликуеши в небесных кровех. И ныне: Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву, и потщися на умоление, предстательствующи присно, Богородице, чтущих Тя.