Поучение Патриарха Никона священному чину и причетникам

Приводится по изданию: Лобачев С.В. Патриарх Никон. СПб, «Искусство-СПб», 2003. Приложение 5. С.372-375


В начале февраля 1654 г. в Москве прошло заседание Освященного собора, на котором было принято решение об изменении некоторых церковных обрядов. Вскоре после этого по приходским церквям была разослана память патриарха Никона с указанием, как следует класть поклоны во время божественной литургии. Об этой памяти впоследствии писал в своем Житии протопоп Аввакум: «По преданию святых апостол и святых отец, не подобает во церкви метания творити на колену, но в пояс бы вам творити поклоны...» Однако сам текст этого источника до сих пор не был известен исследователям.
В древлехранилище Государственного Исторического музея, в собрании графа А. С. Уварова, нам удалось обнаружить любопытный документ, который в описи значится как «Поучение патриарха Никона священному чину и причетникам». В описании фонда, составленном архимандритом Леонидом, документ значится под номером 1543 (312) (750) (см.: Архимандрит Леонид. Систематическое описание рукописей графа А. С. Уварова. М., 1894. Ч. 3. Отд. IV). Он написан четким почерком, в столбец, на двух склееных сставах. Судя по орфографии, это современный оригиналу список.
В документе не проставлена дата, но присутствие в нем поучения о поклонах наводит на мысль, что источник мог появиться в канцелярии патриарших приказов примерно в то же время, что и изложение соборного деяния 1654 г.
На наш взгляд, его можно с достаточно большой долей вероятности отождествить с пресловутой памятью Никона.

С.В.Лобачев

Текст
Февраль 1654 г.
Никон божиею милостию патриарх московский и веса Русии сыном [сво]им[1] архимаритом и игуменом, протопопом и всем священником и дияконом и причетником.
Ведомо нам учинилося, что во святых церквах небрежение велико есть и житие зазорно, и о преданных евангильских повелении и апостольских предании и святых богоносных отец седми вселенских соборов и прочих святых отец, еж должно вам хранити и не сохраняете той, яко ж божественыи Павел, уча ны, пишеть к Титу[2], глаголя: во еж обычати же ся всегда к благочестию, трезвению, целомудрию, благоговению и будете рече, честни, страннолюбивы, не пьяницы, не биицы, не мшелоимцы, не сварливы, но кротцы(ки)[3], смотреливы, независтливы, не сребролюбцы, учителцы, яко ж вселенскаго собора 19-е правило глаголет[4]: иереи должни суть учити причет церковный и вся люди благоверию и божественым повелением; паче ж иных дней, во всякую неделю, всего причта и народа поучати благочестию словесы, яко ж предречеся от божественаго писания, избирающем истинная разумения ж и судбы, и не преступати еж положения пределы и богоносных отец предания, но точию от божественых писанеи сказывати и учити истиному разумению божиих заповедей. Аще ж кто вопросит словесе божественых писанеи, да от своего ума[5] то сказовати, но яко ж церковнии светилницы и учители своии писании истолковашя. То бо есть благоволно, еж ведети и умети предания богоносных отец и по том разрешати вопрошаемая, да не како недоумеюще от себе разрешити, восхотят таковии истиннаго сказания далече отпадут. Не брегущих же иереов, ни учащих причетников, ни людей благоверию 58-е апостольское правило первое отлучает[6]. Потом аще в лености пребывает от сана измещет. Потщитеся о презветери представите себе делателя не постыдны, правяще слово истинное ни коли ж да не станете в соборе вражду имея на кого, да непроженем утешителя в день собора молвы не творити и не препираитеся, но в церкви пребывая молитеся и почитайте книги святыя до часа, вонь ж подобает вам совершити божественую службу, и тако предстаните со умилением и чистым сердцем святому жертвенику не озираяся семо и овамо, но в страсе и трепете предстояще небесному царю ничим же мнее небеснаго предстояния, да не угодия ради человеческаго подщитеся скратити молитвы, не приимите ж лица человеча, но взирающе ко единому царю и предстоящим окрест его силам достойны себе творити священным правилом, и их же отрекоша с теми не служите жи, блюдите кому предстоите и кому служите и которым даете причащения не забывайте владычни заповедей и святых его апостол, не дадите бо рече святых псом, и бисера не мещите пред свиниями. Блюдите пес и яж по сих смотрите, да не убоитеся человече на грех себе не дадите сына Божия в руки недостойным, не устыдитеся никого ж от славных земли в час той ни самого того носящого венец причащения ж достойным подавайте, яко ж и вы сами прияли есте им же божественая правила не повелевают не подавайте, яко иноязычницы бо именишася и аще не обратятся, горе и тем и причащающим их блюдите аз и о сем дела не имам вы узрите також де иж, аще кто от вас причащаяи люди пречистым и животворящим тайнам, и аще бо просит медницы, таковыи извержется по 23-му правилу шестаго вселенскаго собору[7].
Також де аще который презвитер, или дьякон, или полдьякон, или чтец, или певец в четыредесят дней сии речь в Великий пост не постится и во вся лета во всякие среды и пятки да извержен будет по 69-му правилу святых апостол[8].
Аще ж мирскии человек не постится, да отлучится, или аще кто преданыя посты хранимыя церковию, разреша таковыи проклят есть по 18 правилу иж в Гангрех собора[9], а от престола к нему ж кто благословен есть и у него ж кто служите начнет преходити никако ж власть не имать по 3-му правилу иж во Антиохии[10] и двема церквама да никто ж владеет по 15 правилу седмаго вселенскаго собора[11] да не святая корчемствовати от вас явитца, но кииждо единому и тому ж до престолу да предстоит в церкви свободою изобилующей, а в церкви куплею стяжанеи рекше не у купленого места ея ж ради извержению предает. Той ж вселенский собор по 13-му правилу[12], или аще кто от вас лихву взяв от должника да извержется по 44-му правилу святых апостол[13].
Ведомо ж нам и се, что во святые посты поклоны творять не по церковному преданию, еж есть метание с великими не разлучают, овии поклонився единою на землю и тако невсклоняся множицею крестится, да точию головою кивает, а инии на скамейки, и о том бы вам самем испытноведати, что метание и что суть великие поклоны метание суть: в пояс поклонитися как мощи до земли рукою достать, а великий поклон в землю челом ударить. И от ныне клали бы есте сами поклоны и прочим повелевали по уставу святые восточные церкви и по благословению нашего смирения вси вкупе равно тихо. Егда полагаются седмь на десять поклонов по сущую Богородицу поклон земныи и прочих три великие в землю с молитвою «Господи владыко животу моему», к сем ж два на десять метания в пояс, и последний великий ж поклон в землю. Тако и святыи Боже и на приидите поклонимся. Поясные ж поклоны клали со всяким благочинием немятежно, аще ли ж кто от вас о сем завещании не брещи имать или чесого неподобающаго священства кто от вас начнет деяти еж чрез заповедь святых апостол и богоносных отец и нашего благословения, яж выше рекохом, таковым будет суд без милости от нас по правилом святых апостол и богоносных отец, тако ж аще кто и мирскии человекъ прекослов и нерадив явится о преданных заповедех христовых и святыхъ апостол, и святыхъ отец, и вам бы им запрещать по правиломъ святых апостол и святых отец.
А аще кто зело явится прекословен, и вам бы возвещать нам великому государю святейшему Никону, патриарху московскому и веса Русии. А аще ли ж таковым сам не запретит и нам не возвестит, таковыи о всяким неисправлении сам ответ даст в день праведнаго суда Христова. А я ж зде правилным судом от нас истязай немилостив будет.
Сего ради, братие, завещанным внимайте да ж сохраняюще заповеди божия и предания святых апостол и святых богоносных отец злобы избывше с правдою поживем.
О Христе Исусе Господе нашем, ему ж слава со безначалным его отцем и со пресвятым и благим и животворящим духом ныне и присно и во веки веков.
Аминь.
(ГИМ. Собр. А. С. Уварова. Ф. 17. Оп. 2. № 54. Л. 1)

Комментарии

1. В этом месте дефект бумаги. Слово восстановлено по смыслу.
2. «Ибо епископ должен быть непорочен, как Божий домостроитель, не дерзок, не гневлив, не пьяница, не бийца, не корыстолюбец, но странно любив, любящий добро, целомудрен, справедлив, благочестив, воздержен...» (Тит. 1:7-8).
3. Буквы ки вписаны над строкой. Очевидно, таким образом переписчик внес некоторые орфографические исправления в оригинал.
4. Далее цитируется 19-е правило Константинопольского собора. См.: Кормчая книга. М., 1653- Л. 153 об. четвертой пагинации (ср.: Patriarch Nikon on Church and State. Nikon's Refutation / Ed. with introdaction and notes by Valerie A. Tumins and George Vernadsky. Berlin; New York; Amsterdam, 1982. P. 175).
5. Очевидно, в тексте пропущена частица не, из-за чего смысл фразы не ясен. Следует читать: «Аще ж кто вопросит словесе божественых писанеи, да не от своего ума то сказовати, но яко ж церковнии светилницы и учители своии писании истолковашя».
6. Кормчая книга. М., 1653- Л. 16 четвертой пагинации.
7. Там же. Л. 154 об.
8. Там же. Л. 19 об.
9. Там же. Л. 59-59 об.
10. Там же. Л. 63 об.-б4.
11. Там же. Л. 215-
12. Там же. Л. 214-214 об.
13. Там же. Л. 12.

Форумы